كل حكاية وبيكون فيها حاجة غريبة، طريقة سرد تشدك، سر مستني تعرفة، أو حاجة مرتبطة بحياتك، مجتمعك أو أفكارك، خليني أسألك سؤال مهم، أفضل حكاية بالنسبالك اللي تكون مرتبطة بمشاعر وبحياتك ولا تكون جديدة وفيها أسرار ومعلومات بتدور عليها؟

طب ايه رأيك لو قولتلك إن الإتنين ممكن تعملهم بس الحكاية هيكون فيها ميمز!

لو شغال في مجال الMarketing أو الـ Creative Industry وقررت في يوم تعمل حاجة تنتشر بشكل سريع وقوي يبقى عليك وعلى آل Memes، ايوا زي ما أنت سمعت ” انت أكيد سامع صوتي في دماغك، صح؟” إستخدام الميمز دلوقتي بقى من أقوى استراتيجيات التسويق، شعبية كبير وانتشار سريع، مرتبطة بحياتنا  وبتدعم علامتك التجارية بس مش معنى كدا إن كل علامة تجارية تقدر تستخدم الميمز، ودا اللى احنا هنعرفة سوا، ازاي تستخدم ال Memes وتخلي الحكاية فيها ميمز.

 

إحنا ليه بنحب الميمز؟

الـ Memes هو عنصر من عناصر الثقافة والسلوك بنشاركة عن طريق وسائل التواصل الإجتماعي،  وفي علم النفس الميمز هي مجرد تصنيف اجتماعي، بس في عالم ال Social Media ال Memes هي أفضل شيء في الكون، أفضل بداية للكلام ممكن تكون Memes  بداية عظيمة، انت تضحك هي تضحك هتاخد بلوك كدا كدا بعدها بس بردو هي هتضحك، بس هي هتضحك وهتحب ال Meme عشان كان هي شريحة من المجتمع مر عليها موقف مشابهه، سواء في فيلم او في الحياة، سيناريو متفصل عليك بيتكلم عنك بس على هيئة صورة وكلام مكتوب عليها، إحساس التواصل الإجتماعي الناتج عن ال Memes لانها بتعبر عنك بشكل ما، لما بتقرأ الميم انت بتقرأه بمشاعر ودا السبب فإننا بنحب الميمز، لو انا مشوفتش الفيلم او ممرتش بتجربة ما وشوفت ميم مش هفهمه، بس انت هتفهمه لأن الموضوع اتحرف في ذاكرتك وأثر في مشاعرك.

يعني لو سألتني دلوقتي ليه بحب الميم؟ 

هقولك عشان……

ليه تستخدم الميمز؟

كل حاجة بنستخدمها بيكون ليها أسباب، محتوى الميمز على قد ما هو سهل على قد ما هو صعب، هشرحلك، لو معرفتش انت بتستخدم المحتوى ليه ممكن ميكونش مناسب ليك.

1- ال Memes رخيصة!

لا متفهمنيش غلط، ال Memes محتوى غير مُكلف، مش هتصرف فلوس كتير على إنشاء محتوى فيه memes، فبدل ما تنشئ فيديو أو صورة هتوفر على نفسك سواء شركة لسه بتبدأ او مسوق رقمي الوقت الكبير اللي هتقدمه في تقديم محتوى أصلي، بس مش هتكون مكلفة في حالة واحدة بس انك تكون مبدع في استخدمها عشان متسبش أثر عكسي عند الجمهور.

2 – اسمع بقى دا الإحساس نعمة.

أكتر حاجة مميزة فينا كعرب إننا شعوب عاطفية، ودي حاجة عظيمة جدًا بالمناسبة، وبنحب أي حاجة تضحكنا، وده اللي بتقدمه لينا الmemes بتضحكنا، تزيد الترابط الإجتماعي، بتعزز إحساس الانتماء مع جمهورك المستهدف،لو قدرت تضحك جمهورك، قدرت تكسبة.

3- انا عايز شير ولايكات، ماشي؟

مافيش مسوق الا وسمع الجملة دي، والميمز هتحققلك اللي طموحات العملاء في الوصول بشكل كبير، ولو انت صاحب شركة ناشئة ال Memes سبيل قوي جدًا عشان تساعد جمهورك انهم يتفاعلوا معاك، ال Memes جزء منها مصمم على انه يتعمله Share ولو دا حصل، انت بتضمن ولاء حقيقي من عملائك ليك. 

4- المجتمع.

الميمز دايمًا بتكون مرتبطة بحدث معاصر، صلة اجتماعية أو مشكلة وبنضحك عليها، زي بالظبط اللي عملته Arab hardware وهو واحد من أكبر المجتمعات التقنية في الشرق الأوسط يكتب عن أحدث التقنيات في مجال تكنولوجيا المعلومات.

وبالمناسبة دا واحد من أعلى ال Posts اللي حصل عليهم تفاعل بشكل كبير على الصفحة، فالميمز مش مجرد محتوى بيضحك، الميمز بتساعد على وجود مجتمع قوي لعلامتك التجارية.

ازاي تستخدم الMemes  في التسويق؟

1- اتأكد إن ال Memes مناسبة لل Brand Voice.

احنا دلوقتي عرفنا ان الMemes هتكون سبب كبير في التفاعل مع الجمهور وجذب جمهور جديد، لكن من الصعب دمجها مع الحفاظ اتساق العلامة التجارية وصوتها.

أغلب الmems هدفها السخرية والتعليقات الإجتماعية، بمعنى إن ال meme عالي الجودة يكون بيضحك بشكل حقيقي سواء ك Text أو Visual، فلازم كمسوق تتعامل مع الmemes بشكل دقيق جدًا، يعني هتحتاج  تعرف كل ال memes     اللي موجودة أو هتذاكرها بمعنى أصح.

القوة هنا إنك تقدر تحافظ على شخصية علامتك التجارية وصوتها المميز والفريد بإستخدام الmemes عشان تفضل مميزة عن المنافسين لو حد منهم حب يجرب نوع المحتوى ده، وخليكي أقولك ان الmeme الناجح مش غرضه البيع، غرضه ال Customer Relations فبلاش أي Call To Action “CTA” واضح عشان هيكون فيه مشكلة. 

2- مش مجرد Folder.

حاول طول الوقت انك تكتشف memes جديدة تكون مرتبطة بالمجتمع بتاعك، زي ما Arab hardware عملوا بالظبط، ان يكون عندك مكتبة خاصة بيك من الـ memes وتكون فاهم كل meme غرضة ايه هيسهل عليك عملية البحث والانتشار.

خليني أقولك إن من اجمد العلامات التجارية اللي بتعمل كده في العالم هي Netflix، في ديسمبر 2018 أنتشر فيلم Bird Box ساعدت الـ memes شركة Netflix في الحصول 70 مليون دولار أرباح في خلال 24 ساعة!!!

3- Make a joke. Don’t be a joke.

متتريقش على نفسك مهما حصل،انت فنان لازم تقول نكته تضحك تكون مرتبطة بعلامتك التجارية ومش على علامتك التجارية، فخليك ذكي طول الوقت في إختيار اللي هتقوله للجمهور .

4- الوقت كالسيف من الأخر.

الmemes مدة صلاحيتها محدودة جدًا، ممكن اللي يساعدك النهاردة لو هتستخدمه بكرة يكون سبب في انك تخسر عملائك من تكسبهم وبكل بساطة علامتك التجارية هتكون “سخيفة” لكن ده ميمنعش ان في memes هتفضل موجودة طول الوقت زي meme الأفكار اللي حقق نجاح كبير جدًا لـ Netflix.

استخدام ال Memes في التسويق على قد ما هو سهل على قد ما هو حساس، على قد ما هتقدر تحصل منه على دعم وانتشار قوي على قد ما هو ممكن في لحظة وبغلطة بسيطة جدًا يوقعك، فخليك حريص وانت بتستخدم ال Memes ومتنساش إن كل حكاية فيها ميمز.

Ahmed Metwaly

me@ahmedmetwaly.com – 01069672696

Ahmed Metwaly

Author Ahmed Metwaly

More posts by Ahmed Metwaly

Leave a Reply